Kosova tashmë i ka mundësuar edhe të huajve që të pajisen me patent shofer, konkretisht ndërrimin e patent shoferit të huaj.

Kjo është bërë përmes një udhëzimi të ri admisnitrativ, dhe kandidati për paraqitjen e provimit për ndërrim të patentë shoferit të huaj në patentë shofer të Republikës së Kosovës (në tekstin e mëtejshëm ndërrim patentë shofer i huaj), aplikon në Ministrinë e Infrastrukturës përkatësisht në Njësinë e Patentë Shoferit në Prishtinë, shkruan arbresh.info.

Sipas udhëzimit administrativ,  Kandidati për ndërrim patentë shoferit të huaj duhet të dorëzojë dokumentet në vijim:

• Kërkesën;
• Patentë shoferin e huaj të përkthyer në njërën nga gjuhët zyrtare të Republikës së Kosovës nga përkthyesi i autorizuar;
• Letërnjoftimin për shtetasit e    Republikës së Kosovës, ndërsa për shtetasit e huaj, kopja e lejes së qëndrimit për të huaj;
• Certifikatën mjekësore të  vlefshme të lëshuar nga subjektet e licencuara të Republikës së Kosovës.

Këto dokumentacionte dorëzohen në kopje ndërsa prezantohet origjinali.

“Kandidati për ndërrim patentë shoferit të huaj nuk ka të drejtë të paraqet provimin me  patentë shofer ndërkombëtar,” thuhet në udhëzim.

Zyrtari përgjegjës në Njësinë për Patentë Shoferi në Prishtinë, bënë kontrollimin e dokumentacionit për paraqitjen e provimit për ndërrim  të patentë shoferit të huaj.

Ministria cakton datën dhe kohën e mbajtjes së provimit. /arbresh.info/